Nokkur ljóð frá nemendum í grunnskóla Borgarbyggðar á Hvanneyri. Flóki Kristinsson kenndi þeim og þessi ljóð voru send í samkeppni um ljóð ungafólksins og vegnaði mjög vel.

 

 

 

Mamma mín

Mamma

svo hlý

svo góð, hjartnæm og blíð.

 

Ég man

þegar hún knúsaði mig,

mér leið eins og að liggja

í heitri sólinni

og finna hana

verma mig.

 

Elín Ósk Arnardóttir, 5. bekk

Sóltúni 18a Hvanneyri, 311 Borgarnes

-------

 

 

 

Veran, veran

Ég hitti í morgun

voða skrítna veru

með víraflækjuhár

og græna peru,

bláa tungu,

pínulitlar fingur og tær

sem minntu á rjómapönnukökur.

 

Ljóð

Tölvan átti mömmu

og mamma átti tölvu.

 

Lífið er stutt þótt

tíminn sé langur.

 

Snæbjörn Helgi Arnarson Jack, 4. bekk

Skólaflöt 12 Hvanneyri, 311 Borgarnes

-------

 

 

 

Litli frændi minn

Lítil hendi hreyfist um

kreppir saman lófa

eins og væri að þreifa

til mömmu sinnar

eftir hlýju brjósti

með volgri mjólk.

 

Hugrún Björt Hermannsdóttir, 5. bekk

Túngötu 25 Hvanneyri, 311 Borgarnes

-------

 

 

 

Sleikjupinni

Augu bróður míns

sjá allt í sleikjupinnum

því hann sleikir mig svo oft.

 

Augu hans eru blá

eins og sleikjupinni.

 

Pétur Freyr Sigurjónsson, 5. bekk

Hvanneyrargötu 14, 311 Borgarnes

-------

 

 

 

Bróðir

Hann er ungur

aðeins 6 ára.

 

Getur verið klókur,

getur verið heimskur,

þykir mér samt vænt um hann.

 

Án hans ætti hann ekkert líf

með mér.

 

 

Ég

Ég er barn klettanna,

jafn viðkvæm og snjórinn

sem kremst undir fótunum á okkur,

eik, sem hefur lengi barist

á móti stormi

og jafn glöð og fuglar að sumri

en líka jafn döpur og skýin,

að hanga alltaf yfir okkur og sjá alltaf það sama.

 

Ég get verið jafn reið og náttúran

þegar hún er skemmd

og finn fyrir miklum sársauka

eins og Ísland þegar það er skemmt.

 

 

Hvað er að vera ég?

Það að vera ég

er til dæmis svona:

Ég er venjuleg stelpa

augun himinblá.

Ég er eins og lítil lirfa

sem skríður á milli trjánna

og breytist síðan í fallegt fiðrildi.

Ég er eins og ballerína.

Ég er eins og sippuband.

Ég er eins og lítil sæt mús

sem stekkur síðan upp

og er svo grimm að allir verða hræddir.

 

Guðríður Jana Arnardóttir, 5. bekk

Skólaflöt 14 Hvanneyr, 311 Borgarnes

-------

 

 

 

Móðir mín

Augu hennar stara á mig,

munnurinn segir eitthvað,

orðin hoppa eitt og eitt út um varirnar fagrar,

andlitið svo slétt og fallegt,

það glansar í sólarljósinu.

 

Hún er ljúf

ljúf sem lamb.

 

 

Vor

Ég finn hitann,

fer út

ég finn blæinn

finn blómin opnast í huga mínum,

sólin er björt.

 

Ég er glöð.

 

Ég sé að allt í kringum mig

eru tré að laufgast

ég leggst í grænt grasið

loka augunum

og finn að það er komið vor.

 

Erla Ösp Hafþórsdóttir, 5. bekk

Skólaflöt 4 Hvanneyri, 311 Borgarnes

-------

 

 

 

 

Auga

Auga getur verið

með alls kyns liti

eins og blátt, rautt,

grátt og brúnt.

 

Augu á bróður mínum eru blá.

 

 

Fóturinn

Fóturinn er bólginn.

Fóturinn var laminn og marinn.

Fóturinn hleypur og hleypur

og brotnar.

 

 

Hvað er að vera ég?

Að vera ég

er að vera alkahólisti

með ljósblátt bindi

hallærislegt

og að vera ég

er að vera laminn

hingað og þangað

og að vera ég er að vera

aðdáandi Rammstein.

 

Stefán Snær Friðriksson, 4. bekk

Túngötu 19 Hvanneyri, 311 Borgarnes

-------

 

 

 

Háir og smáir

Sumir eru  smáir

aðrir eru háir.

En sumir smáir

stækka mjög oft

og verða háir.

 

 

Hönd

Hönd á mér

er alltaf að vinna

eins og tölva

sem hugsar.

 

 

Vor

Brumin springa

grasið grænkar

fuglinn kemur

dýrin bera

búinn að bíða í allan vetur

og það rættist

ég gleðst

eins og blóm

sem laufgast.

 

 

Ég

Sjálfur er ég ungur

og hlusta eftir nóttinni

koma og fara.

 

Mér líður eins.

 

Benedikt Októ Bjarnason, 5. bekk

Túngötu 22 Hvanneyri, 311 Borgarnes

-------

 

 

 

 

Hár

Kona ein,

- mamma mín,

svo sæt og fín

með hárið mjúkt.

 

Ég er alltaf að strjúka þann koll.

Mér finnst eins og ég

sé að strjúka jörðina.

 

Hár hennar var svart,

hún dó síðar.

Ég fékk aldrei að strjúka

eða sjá þann haus.

 

Assa Ágústsdóttir, 4. bekk

Gamla sksth Hvanneyri, 311 Borgarnes

-------

 

 

 

 

Auga

Auga þrútið og marið.

Marið heilan hring.

Augað fór í skólann,

kom heim alblóðugt.

Eigandi augans lenti í áflogum

í skólanum.

Og svo veit ég ekki meir

nema augað er

þreytt

og þráir svefn.

 

Sigrún Rós Helgadóttir, 4. bekk

Mið-Fossum, 311 Borgarnes

-------

 

 

 

 

Nefið

Nefið er svo skrýtið,

stundum stórt

eða lítið.

Nefið er bogið

en finnur ennþá lykt

af angan sumarblómanna,

þótt vetur sé genginn í garð.

 

 

Ég

Að vera ég,

það er að vera eins og ský

sem er ýmist ljóst

eða dökkt

og breytist svo

í regndropa

sem fellur til jarðar.

 

 

Ég

Ský sem er lítið og skrítið

eins og nýfæddur kiðlingur.

Eyra sem hlustar og heyrir

þannig er ég.

Ég hlusta og heyri í fólki.

 

Anton Freyr Arnarsson, 5. bekk

Túngötu 14 Hvanneyri, 311 Borgarnes

-------

 

 

 

 

Fótur

Það var eitt sinn fótur

sem gekk fram hjá mér.

Ég fékk sting í hjartað

og hugsaði:

Þessi hlýtur að vera gamall.

Ég vorkenndi þessum

sem átti fótinn,

hann sem er búinn að labba

langar leiðir

með þennan fót

alltaf fyrir neðan sig.

 

 

Ég

Ég er eins og ávaxtatré

sem vill gefa öllum ávexti.

Ég er líka eins og sólin sem skín

og kemur öllum í gott skap.

 

 

Vor

Vor er í hjarta mínu og þínu

vorið er tími

sem kemur og fer

vor er ást.

 

Elsa María Vignisdóttir, 5. bekk

Skólaflöt 14 Hvanneyri, 311 Borgarnes

-------

 

 

 

 

Mamma  mín

Augun græn eins og gimsteinar.

Hlý - samt köld.

Þreytt eftir erfiða nótt

en bugast aldrei.

Ég man þá stund,

tár féllu niður

á vanga minn,

augu hennar sáu mig

og brostu.

 

 

Ég

Ég er eins og skýin

sem ferðast um

allan heim en

eru alltaf á

réttum stað.

 

Ég er eins og hús

með gluggum

í myrkasta skammdegi

lýsi ég mig upp.

 

 

Vorið

Ég veit að vorið kemur

af því að ég heyrði þröstinn

kalla á mig og segja

að á morgun fari frostið.

 

 

Hvað er að vera ég?

Ég er eins og fiðrildi

sem líkist öllum

en er aldrei eins.

Ég er eins og bífluga

en breytist svo í úlfalda með kryppu á baki.

Ég er eins og taska

sem geymir ólíka hluti.

Ég er fótur sem gengur um allt

en slitnar ekki nema eftir 50 ár.

Ég er hreindýr með horn út í allar átti.

Að vera ég er rosalega skemmtilegt

af því að ég get líkt mér við allt!!!

 

Ég er eins og mappa

sem er alltaf að fá fleiri fræði til sín.

Ég er eins og skál með rúsínum.

Ég er eins og íspinni með súkkulaði utan um.

 

Björk Lárusdóttir, 5. bekk

Túngötu 20 Hvanneyri, 311 Borgarnes

-------

 

 

 

Andlit mömmu

Augu hennar glansa til mín

munnurinn segir eitthvað við mig

andlitið er rétt fyrir framan mig

fallega andlitið er hjá mér.

 

Karlotta María Scholl, 4. bekk

Skólaflöt, íbúð 102 Hvanneyri, 311 Borgarnes

-------

 

 

 

Gamla konan

Í borginni er gömul kona,

settist á bekk, með kryppu á bakinu,

sást að hún var fátæk og lítil,

af því að hún hafði klæði yfir höfðinu.

Skuggi var yfir henni.

Hendurnar hennar voru skítugar,

með sorgarrönd undir nöglunum.

 

Daginn eftir dó gamla konan

og fór til himnaríkis.

 

Þegar ein kona deyr breytist heimurinn.

 

Hvað er að vera ég?

Það er að vera góður strákur,

að hjálpa mömmu við baksturinn

og pabba við smíðar.

Að vera Borgfirðingur

og hugsa um hundinn

og spila á píanó.

 

Þorsteinn Björnsson, 4. bekk

Túngötu 13 Hvanneyri, 311 Borgarnes

-------